يانهر الفرات شمالك وي حسين
تحرمه من العذب وتلملم جروفك
شنوعذرك لربك وانته تعرف زين
باجر تنسئل شتجاوب بخوفك
مايك شويشربه البشر والحيوان
ويفيض بساعه لنه مسرعبه زلوفك
ويغطي الكاع من يفيض فوك الكاع
شعجب بس عله حسين امتنعت جروفك
..........
ياشط العطش فت جبدت العطشان
وتره اطفاله عطاشه وتشتكي من الحر
وانته شلون عينك هاي كلهه تشوف
اطفال الحسين بعطش تتصعر
تطك فيضك وكوم اروي الخيم بالماي
لومنك وحقك راسن اتفجر
واصير عيون تنبع بيهه اروي احسين
واروي اعياله كلهه واطفي المجمر
هذا ابن الرسول شلون يمك صار
مذبوح بعطش والجبد متفطر
وانته الماي بيك اليجري هذا الماي
ولا كمت وسكيته ولا اله تنغر
وحقك بالقيامه انته تضل عطشان
وتشوف حسين يشرب من سكه الكوثر
وتشوف حسين يشرب من سكه الكوثر