قصيدة ( العلم ) دخلوا اقروها لخاطر العلم

شباب وبنات هاي القصيدة للشاعر عادل محسن واني حطيتها بهذا القسم لان ما اروح لغير قسم ومن رخصة المشرفين الحبايب اذا يسمحون تبقى المشاركة ... اقروها وانطوني رأيكم





قصيدة العلم

لا تحاول تخترق بيدك ضميري وبضميري تشوفلك موطيء قدم
ولا تحاول بيدك تنكس ضميري وتنتظر مني اصفگ وابتسم
انا غيره وشرف واخلاق بصفاتي وكل صفاتي يشيلهن هذا العلم
نكست راية بلادي وهي راية امه من ارقى الامم
يا أخي خليك منصف تترك الاعداء وتحاكم علم
على حجيك لازم نغير بلدنا وللعراق ندور احنه غير اسم
وعلى حجيك من كتبنا لازم نغير الخريطة ولازم نبدل الرسم
وعلى حجيك يا اخونا لازم نحرف الايه ولازم نحرف القسَم
شلون نترك هالسفينه ونبحر بأصغر بلم
شلون يستعرض الجندي وما على راسه علم
شلون يلعب منتخبنا وماكو بالملعب علم
شلون نحجي على المباديء وانتكس راس القيم
انا ست الاف عام سنين عمري وجاي تلغيها الي بجرة قلم
هذا بي الله اكبر والي يحمل هذا الاسم ما ينثلم
جان عاد لخاطر ل ( الله اكبر ) شلون تقبل ينتكس هذا الاسم
تكوم تكعد انت مني والكمر لو غاب شيفيد النجم
انا الكل وانت مني واذا صرت انت مهم اني الاهم
مهما تسندني واسندك القاعدة شتفيد اذا طاح الهرم
************
لا ترجعنا اخي للطائفية ولا نقسم الارض كل واحد سهم
ولا ترجعنا يخي للمذهبيه ولا نقسمك السكف كل واحد علم
انت ما نكست قطعة من القماش نكست تاريخنا الغالي الاشم
بس وحق راية محمد يبقى بيرغنا يرف علو النجم
اعلام كل الدول كلها تروح فدوه للون واحد من الوانك يا علمنا الغالي يا اشرف علم