طبعا اني اموت على التشريبه ولهذا سويتهه موضوع الاشتراك الاول بمنتدى الطبخ ولان اني احب الاكل الحامض والمالح , طبعا هيه اكله مال ريوك ويفضل ان تاكل ووراها كوب جاي مو طبيعي
العمل:
اولا تجيب جدريه وتحط بيهه دهن وبصلايه مقطعه و تحمس البصلايه الى حد ما تصفر,بعدين تضيفلها الحامض و هنا الفيكه ........ليش؟؟؟؟؟ لان تضيف حامض بكيفك يعني نوع الحامض(ليمون دوزي ,تمر هند,نارنج,رمان ....اي شي) و الكميه بكيفكم همين .بعدين تضيفون الماء حسب كميه الخبز اللي حتنكعوه و تنتضرون الى حد ما يفور الماء بعدين تضيفون الخبز المقطع حسب الطلب ((اني احبه زغار)) بعدين تنتضرون الى حد ما ينشف الماء و اويلي مو طبيعيه صدك مو طبيعيه . ها صدك نسيت احط ملح عود انتو حطو .....و روحو انتو طكيتو طكه مو طبيعيه